Anak ni Daan giendorso nga mohulip kaniya
CEBU, Philippines – Giendorso na si Lester Daan ngadto sa presidente sa Nacionalista Party (NP) aron siya maoy mohulip sa pwesto sa iyang amahan nga si kanhi Konsehal Julian Daan kinsa nitaliwan na ngadto sa laing kalibutan.
Si Mayor Gerald Anthony “Samsam” Gullas, Jr. nibutyag nga ang iyang apohan nga presidente sa Alayon Kongresista Eduardo Gullas nihatag na sa endorsement ngadto kang Senador Cynthia Villar sa pangalan ni Lester.
Si Villar mao na usab ang mosumiter niini ngadto sa iyang kapikas nga maoy pangulo sa NP.
Matud ni Gullas nga ilang gipaagi og konsultasyon sa ilang mga kaubanan sa konseho ug ubang departamento ang itudlong mopuli kang Daan. Si Lester ang kanunay nga magkuyog-kuyog sa iyang mga ginikanan dihang nangalagad kini sa katawhan hinungdan nga nasuhito na kini sa mga buluhaton isip konsehal.
Nagtuo si Gullas nga si Lester makahimo sa samang buhat sa amahan niini sa pagpangalagad sa katawhan.
“Ang importanti kahibawo siya sa service. Naa gyud siyáy heart in serving the people”, ni Gullas pa. (/BDB)(BANAT NEWS)
- Latest
