JOs ug casual employees sa Dakbayan sa Sugbo wala pay sweldo
CEBU, Philippines – Wala pa gihapon nakadawat sa ilang sweldo sulod sa tulo ka bulan ang job order ug mga casual employee sa Cebu City Hall.
Subay niini, gimandoan na ni Mayor Edgardo Labella ang tagdumala sa Human Resource and Development Office sa papakig-alayon sa mga buhatan sa city hall aron masweldohan na ang mga empleyado.
"Actually, that’s natural tungod sa transition. I already instructed the HRDO to act on that kay it’s very important”, matud ni Labella.
Ang acting head sa HRDO Daisy Dianna Ortiz nagkanayon nga iyaha nang naestoryahan ang mga administrative staff sa mga buhatan sa city hall.
Matud ni Ortiz nga ang kalangay sa pagdawat sa sweldo sa ubang trabahante tungod usab kini sa kalangay sa pagsumiter sa mga rekisitos sa mga bag-ong empleyado.
Ang city hall duna kini 1,118 ka regular nga empleyado, 4,118 ka casual ug 1,370 JO.
Dugang ni Ortiz nga iya kining susihon kon pila ka mga trabahante ang wala nakadawat sa ilang sweldo sukad sa pagsugod sa pagpanerbisyo. (/BDB)(BANAT NEWS)
- Latest
