Mactan quincentennial committee giumol
CEBU, Philippines – Nangandam na ang kagamhanan sa Dakbayan sa Lapu-Lapu sa Quincentennial o ika-500 ka tuig nga Kadaugan sa Mactan pinaagi sa pag-umol sa Mactan Quincentennial Committee.
Si Mayor Junard “Ahong” Chan nga maoy committee chairman ang nanumpa kauban sa iyang mga gitudlo nga mga sakop atol sa paglusad sa kalihukan sugod sa Disyembre 14.
Sakop sa komitiba si Judge Maryther Budomo samtang si City Tourism Officer Edward Mendez ang secretary.
Matud ni Chan nga ang tumong sa giumol nga komitiba ang paghatag og tagsa-tagsa ka tahas alang sa han-ayon nga kalihukan.
Ang mga kalihukan gipahaum sa kultura sukad pa sa unang mga panahon sa wala pa nahitabo ang Gubat sa Mactan tali sa grupo nilang Datu Lapu-Lapu ug mga sakop ni Ferdinand Magellan.
Matud pa ni Chan nga ila sab ipahaum ang kulturanhong kalihukan sa mga Oponganon sanglit ang relihiyosong Katoliko nga kalihukan iya man sa kaparian. (/GMR)(BANAT NEWS)
- Latest
