Pagpasurender ang ‘birthday wish’ sa mga Chiong
CEBU, Philippines — Nanawagan ang magtiayong Dionesio ug Thelma Chiong sa duha ka kombiktado sa pagdagit ug pagpatay sa duha nila ka anak nga babaye sa pagsurender na human sila buhii gikan sa prisohan.
Kini atol sa pagsaulog sa adlawng natawhan sa magsuong Mary Joy ug Jacqueline Chiong niadtong Domingo ug kagahapon human sa 22 na ka tuig na sa hitabo.
Matud pa ni Thelma nga nitambong lang sila sa Santos nga Misa ug nagkita-kita sila sa iyang ubang mga anak.
Awhag ni Thelma ngadto ni Josman Aznar ug James Anthony Uy nga motahan sa ilang kaugalingon tungod kay taas na kaayo ang gihatag nga panahon sa ila ni Presidente Rodrigo Duterte.
Sumala pa ni Thelma nga dili nalang paaboton sa duha pa ka kombiktado nga ipaubos sila sa manhunt operation sa kapolisan.
Dugang ni Thelma nga adlaw nga Domingo siya nakahibawo nga lakip si Uy ang nakagawas usab diay sa prisohan tungod sa Good Conduct Time Allowance Law.
Si Thelma walay laing pangindahay sa adlaw nga natawhan sa iyang duha ka anak nga motahan na sa ilang kaugalingon ang lain pang mga suspetsado nga nagpabilin pa nga gawasnon. (GMR) (BANATNEWS)
- Latest
