Suroy-Suroy Sugbo sunod nga ilusad
CEBU, Philippines – Gipaabot nga ang 22 ka lungsod ug dakbayan sa habagatan bahin sa Lalawigan sa Sugbo ang masuroyan unya sa paglusad pagbalik sa Suroy-Suroy Sugbo.
Matud ni Gobernador Gwendolyn Garcia nga tanang lungsod ug siyudad sa una, ikaduha, ikapito ug ikatulong distrito ang masuroy sa umaabot nga Suroy-Suroy sa Sugbo.
Kini tawgon og “Southern Heritage Trail” sulod sa tulo ka adlaw ug duha ka gabii.
“We will give each and every town regardless of its affiliation the chance to shine by bringing out tourist and stopping every town for the tourists to appreciate that particular local government unit iyang culture and festival, mga handicrafts ang mga produkto ug pagkaon, tagaan og pagtagad,” matud ni Garcia.
Si Garcia makigtagbo sa tanang operators sa hotels ug resorts sa maong mga lugar kalabot sa umaabot nga kalihukan.
“Inig human aning August magsugod na sad pud atong tourism office to make an inventory of all our available rooms didto sa kalungsuran nga ma-coverd sa Suroy-Suroy package. And I will again meet with all the resort operators and owners so that we can establish a standard in all of the rooms of the resorts in terms of cleanliness, in terms of amenities for our tourists, in terms of how our tourist will be received,” matud ni Garcia. Ang Sugbo usa sa mga inilang isla sa tibuok kalibutan nga paborito sa mga langyaw nga suroyan.
Base sa Travel + Leisure Magazine, ika-pito ang Sugbo sa mga top tourist destinations sa Asia.
“We are now in the world map. We are not seventh. Samot na na kun ato na pud i-launch ang Suroy-Suroy. Katong Suroy-Suroy in the truest essence, meaning walay pilion nga lungsod, ang kada lungsod hunongan gyud, tagaan gyud og panahon,” matud ni Garcia. (/GMR)(BANAT NEWS)
- Latest
