Pundo alang sa renovation dili gamiton ni Labella
CEBU, Philippines — Si Mayor Edgardo Labella nipadayag nga dili mogamit og pundo gikan sa panudlanan sa gobiyerno alang sa renovation sa iyang opisina diha sa ground floor sa executive building sa city hall.
Gibutyag ni Labella nga ang iyang mga igsuon nga atoa nagbase sa gawas sa nasud ang nihatag og kwarta alang sa pag-renovate sa iyang opisina.
“It‘s going to be a modest, simple office. It’s enough for an office of a public servant”, matud ni Labella.
Si city administrator Floro Casas, Jr. nagkanayon nga ang mga igsuon nga babaye ni Labella nihatag og dul-an sa P2 milyones alang sa renovation sa opisina sa mayor.
Sa pagkakaron, si Labella temporaryo kini nga nag-opisina diha sa 8th floor sa executive building.
Bisan og dili gamiton ni Labella ang kwarta gikan sa panudlanan sa gobiyerno alang sa renovation sa iyang opisina nisugyot kini og P4.3 milyones nga budget gikan sa P2.5 bilyones nga Supplemental Budget-2.
Giingong ang P4.3 milyones gamiton alang sa outlay sa information technology ug komunikasyon, kagamitan sa opisina ug furniture. (Jean Marvette A. Demecillo/BDB)
Liboan ka polis ipakatap atol sa Pasigarbo
Ang Cebu City Police Office (CCPO) andam na kini alang sa seguridad sa Pasigarbo sa Sugbo 2019 nga ipahigayon diya sa Cebu City Sports Center karong adlawa.
Ang direktor sa CCPO Police Colonel Gemma Vinluan nagkanayon nga makig-coordinate sila sa Cebu Provincial Police Office alang sa seguridad sa lugar.
“Wala pa tayong natatanggap na threat even coming AFP intel report. But, we are prepared for any eventualities”, matud ni Vinluan.
Giingong andam na usab ang ilang giplano nga deployment plan ilabi na diha sa mga lugar nga magian sa street dancing.
Magsugod ang maong street dancing sa Capitol Grounds paingon diha sa Cebu City Sports Center.
Police Colonel Roderick Mariano, direktor sa Cebu Provincial Police Office nibutyag nga liboan ka polis gikan sa CCPO, CPPO, Lapu-lapu City Police Office ug Mandaue City Police Office ang mobantay atol sa pagpahigayon sa kalihukan.
Ang Pasigarbo sa Sugbo usa kini ka tourism and culture program sa Probinsiya sa Sugbo.
Gikataho nga 44 ka lungsod ug siyudad sa Probinsiya sa Sugbo ang mopasundayag sa ilang tagsa-tagsa ka festival. (/BDB) (BANATNEWS)
- Latest
