OBO sa Cebu City nangayo og tabang sa mga kapitan
CEBU, Philippines — Ang Cebu City Office of the Building Official (OBO) nangayo og tabang sa mga kapitan sa kabarangayan sa siyudad kabahin sa mga reklamo batok sa mga ilegal estruktura diha sa ilang mga lugar.
Si Architect Florante Catalan, hepe sa OBO nibutyag nga ang iyang opisina nakadawat og 10 ngadto sa 15 ka reklamo sulod sa usa ka adlaw batok sa mga ilegal nga estruktura.
Matud ni Catalan nga ang barangay maoy unang level nga mohatag og pagtagad sa maong mga reklamo tungod kay ang mga opisyal sa barangay adunay gahum nga makapahunong sa pagpatukod sa ilegal nga estraktura kini base sa City Ordinance No.1481.
Ang OBO moisyu kini og notice sa tulo ka higayon ug subpoena sa tulo usab kahigayon batok sa mga tag-iya sa ilegal nga estraktura.
So Catalan nagkanayon nga ang ilang buhatan gawas sa pagtubag sa mga reklamo aduna usab kini laing giatiman sama sa pagproseso og permits sa mga establisamento nga ni-appy hinungdan nga nagkinahanglan usab sila og tabang gikan sa barangay.
Ang mga motukod og estraktura nagkinahanglan kini og clearance sa barangay una pa moisyu og building permit ang OBO.
Si Catalan nipahinumdum usab sa mga opisyal sa barangay nga aduna usab kini gahum sa pag-isyu og kamanduan sa pagpahunong sa construction sa ilegal nga estraktura.
Ug kong ang nag-develop o ang tag-iya sa erstraktura dili mamati sa cease and desist order ang maong problema ipasa nga kini ngadto sa City Legal Office. (/BDB)(BANATNEWS)
- Latest
