Police beat reporters nagpa-drug test

CEBU, Philippines – Nipaubos sa drug test ang mga tigbalita kagahapon sa Camp Sotero Cabahug isip pagsuporta sa kampanya batok sa ilegal nga drugas.

Ang 16 ka sakop sa Defense PNP Press Corps (DEPP) ang nipaubos sa maong drug test.

Ang DEPP usa ka organisasyon sa mga police beat reporters sa Rehiyon 7.

Si Arnold Bustamante, presidente sa DEPP, nagkanayon nga kini pagpakita lang sa suporta ug pagpamatuod nga ang mga tigbalita wala mogamit og bisan unsang matang sa ilegal nga drugas.

Una kini nga higayon nga nagpa-drug test sa Cebu City Police Office ang mga reporters.

Ang labing una niadto pang tuig 2016 dihang nibista sa Sugbo ang kanhi Chief PNP nga si Senador Ronald “Bato” Dela Rosa.

Nausban kini niadtong tuig 2018 dihang nilingkod isip direktor sa Police Regional Office 7 si Police Brigadier General Debold Sinas.

Ang direktor sa CCPO nga si Police Colonel Gemma Vinluan nagkanayon nga ang gibuhat sa media maayong ehemplo sa tanang tigbalita ug usa ka matang sa transparency.

“Natutuwa ako na ang partner naming sa media ay aktibo ding nakikilahok sa internal cleansing so may internal cleaning din. Nagpasapalamat ako sa suportang ipinapakita ninyo sa amin ito ang nagpapatunay na kayo mismo ay umaayaw din sa droga kaya sana maging challenge ito sa ibang mediamen na hindi pa nagpapa-drug test,” matud ni Vinluan.

Apan sigun ni Bustamante nga kun adunay makompirmar nga tiggamitan og ilegal nga drugas, ang ilang mahimo mao ang pagrekomendar ngadto sa media outlets nga ipaubos sa drug rehabilitation ang maong reporter. (/GMR)(BANAT NEWS)