Insidente sa Compostela personal, dili frat war

CEBU, Philippines — Personal ug dili frat war ang motibo sa nikulata ug nipatay sa usa ka frat member sa Lungsod sa Compostela.

Matud sa direktor sa Cebu Provincial Police Office nga si Police Colonel Roderick Mariano nga sa ilang imbestigasyon, ang biktima sakop sa Tau Gamma samtang ang suspek sakop sa Crips.

“Personal na away yun, kasi yung Tau Gamma magkaibigan sila ng Crips. Pano naging frat war yun,” sigun ni Mariano.

Dugang niini nga hanap nga magbinaslanay ang duha ka grupo sanglit “magkakampi” ang duha ug hayan mahusay ra kini sa ilang mga lider.

Matud pa nga posibleng adunay giawayan daan ang biktima ug ang dinakpang suspek kinsa maoy nidunggab sa biktima ug nagapil-apil lang ang mga kaubang Crips.

Nasayran nga gitabangan og kulata ug gidunggab patay ang biktima nga si Lenie Noval sa Barangay Poblacion, Lungsod sa Compostela niadtong Sabado sa kaadlawon.

Ang suspek giila nga si Joshua Canlas, 27, taga Sitio Seafront sa maong barangay.

Ang hepe sa Compostela Police Station nga si Police Captain Ian Macatangay nibutyag nga sa pagkakaron lisud patug-anon ang dinakpang suspek kun kinsa pa ang iyang nga kauban nga nikulata sa biktima.

Apan bisan wala nadakpi ang uban iapil gihapon sila sa kasong murder. (BANAT NEWS)