‘Discipline zone’ gipatuman sa Compostela

CEBU, Philippines — Higpit nga gipatuman sa kagamhanan sa Lungsod sa Compostela ang discipline zone alang sa mga motorista, mga drayber sa mga pribado ug publiko nga sakbayan, mga traysikol ug mga habal-habal.

Si Police Captain Ian Macatangay, hepe sa kapolisan sa maong lungsod, ang nagpadayon na karon sa ilang pagpasiugda og information dissemination drive sa paghatag og kasayuran ngadto sa mga drayber sa mga sakyanan.

Sa habig sa kagamhanan sa maong lungsod maoy kaabag sa kapolisan  sa pagpasiugda og information drive sila si Konsehal Wilfredo Calo nga maoy chairman sa committee on peace and order sa konseho sa lungsod.

Dugang sa ilang mga kauban sa pagpasiugda sa maong kalihukan mao sila si Konsehal Amor Joven, mga opisyal sa barangay nga gipangulohan ni Poblacion Barangay Kapitan Rolando Rosal.

Gihimo nila ang maong kalihukan pinaagi sa pagtapok sa mga drayber sa sulod sa DM Reynes Gymnasium sa Barangay Poblacion sa maong lungsod.

Nunot niini ilang gipahibalo ang lagda sa balaud nga ilang hingusgan sa pagpatuman ubos sa discipline zone ug kadtong madakpan nga walay lisensiya sa ilang pagmaneho og sakyanan makamulta og P3,000; pagmaneho nga nakainom og ilimnong makahubog kun madakpan makabayad og multa nga P3,000.

Daghan pa nga gilatid nga kalapasan nga angayan nga magmatngon ang mga drayber tungod kay dagkung kantidad ang mabayran nga multa nga naglakip sa mga depektoso nga mga accessories nga mokabat. (/GMR)(BANATNEWS)