Work permits estriktohon

CEBU, Philippines – Tungod sa pagkabisto sa prostitution ring sa sud sa usa ka hotel sa Barangay Agus sa Dakbayan sa Lapu-Lapu diin mga Chinese nationals ang mga biktima ug ang mga suspek gusto karon ni Lapu-Lapu City Mayor Ahong Chan nga estriktuhon na ang pagpakuha og work permits sa tanang mga langyaw nga gustong manarbaho diha sa maong dakbayan.

Matud ni Chan nga nakahibalo siyang adunay mga hotels ug restaurants sa siyudad nga dunay mga trabahanteng  Chinese apan wala siya masayod kun ang ilang trabaho mao ba gyud sa aktwal nilang gibuhat.

“Basi sa atong pakisusi, ang business permit issued was in order. The nature of business is hotel and restaurant for Chinese. Upon verification, they can’t speak English, hence there customers are non-English speaking Chinese,” matud ni Chan.  Gusto karon ni Chan nga gawas sa mga business establishments nga magkuha og permits sa ilang negosyo, kinahanglan na sab nga mokuha og work permits ang mga langyaw nilang trabahante.

“Given these observations, we should pass an ordinance requiring all foreigners working or doing business here in Lapu-Lapu city to get a working permit for easy monitoring,” matud sa mayor.

Subay usab sa nahitabo ang niawhag ang hepe sa Cebu Provincial Police Office (CPPO) ngadto sa publiko nga motug-an sa kapolisan kon adunay nasayran o nabantayang kalihokan pagbugaw sa mga kababayen-an, ma langyaw man o lokal.

“Hinikayat ko ang ating mamayan na if ever meron tayong mababalitaan nga katulad ng ganoonsa Chinese national ipag alam lang sa nearest police station para ma askyonan natin kaagad” matod ni Police Colonel Roderick Mariano

Kagahapong adlawa, gipasakaan na og kaso ang upat ka Chinese nationals nga giingong nibugaw sa 34 ka mga babayeng Chinese sa girondang hotel.

Matud ni Atty. Dominador Cimafranca ang assistant regional director sa NBI-7 nga kalapasan sa RA 9208 ang ang Anti-trafficking of Persons Act ang giatubang nila si Quan Yiqing, 27, Xiushen Wei, 44, Xiuzhu Wei ,45, ug Zeng Dan, 28.

Ang upat pulos mga babaye ug maoy gituohang mga managers sa 34 ka mga babayeng na rescue sa NBI niadtong Biyernes sa gabii.

Ang maong mga na-rescue nga mga babaye nag edad og 25 ngadto sa 30 anyos nga giingong gipatrabaho isip mga Guest Relations Officers (GRO) sa usa ka KTV Bar sa maong hotel. (/IBM)(BANAT NEWS)