Loan sa ‘tore’ gihunong sa DBP

CEBU, Philippines — Isibog ni Gobernador Gwendolyn Garcia ang kasong gipasaka niini batok kang kanhi gobernador ug karon Bise Gobernador Hilario Davide III ug kaubanan kalabot sa pagpatukod sa 20 ka andana nga Capitol Resource Center.

Matud ni Atty. Marino Martinquilla, legal consultant ni Garcia, nga una silang ni-manifest nga i-withdraw ang kaso tungod kay naghulat sila sa dokumento gikan sa Development Bank of the Philippines (DBP) nga nag-terminate sa loan agreement tali sa niaging administrasyon.

Gipahibawo ni Garcia ang DBP nga dili apil sa iyang programa gobernador ang Capitol Resource Center ug wala siyay plano nga kini ipadayon kini.

Nitataw hinoon si Martinquilla nga bisan pa man nga dili na idayon sa gobernador ang kaso nga gisang-at niini sa Regional Trial Court sa Dakbayan sa Toledo, wala pa hingpit nakalingkawas sila ni Davide ug kaubanan sanglit aduna pa may nag-ong-ong nga kaso sa buhatan sa Ombudsman. (BANAT NEWS)