Loot wala gi-cleared sa CIDG-7
CEBU, Philippines – Gihimakak sa kanhi hepe sa Criminal Investigation and Detection Group (CIDG-7) nga iyang gi-abswelto sa mga kaso may kalambigitan sa ilegal nga drugas si kanhi Daanbantayan Mayor Vicente Loot.
Si Police Colonel Marlon Tayaba, ang kanhi hepe sa CIDG-7 mipasabot sa Banat News nga igo lang siya mihatag og kamanduan nga mohimo og imbestigasyon niadtong Agosto 18, 2016 ug wala sila mopagawas og resulta.
Matud ni Tayaba, wala na siyay labot niini kay nahatagan na siya og laing assignment isip provincial director sa IloIlo.
Si Tayaba miluwat og pamahayag human siya makadawat og taho nga si Loot mihangyo og independent investigation sa National Bureau of Investigation diin nalakip sa gihatag niining dokumento nga gi-abswelto na siya sa kaso.
“Wala iyan sa authority ng CIDG-7. I do not know Loot, and I never knew him too. I did not authorize any clearing. If I authorized anything, it was for the investigation it was as form of following directives from the national headquarters,” sigon pa ni Tayaba.
Nasayran nga si Loot usa sa mga ginganlan ni Presidente Rodrigo Duterte nga nalambigit sa ilegal nga drugas. (/DILT)(BANAT NEWS)
- Latest
