Sinas: Daghang nasuko kang Ramirez

CEBU, Philippines – Pulitika, panimawos, paggamit sa illegal na drugas, ug love triangle ang gitan-aw nga motibo sa pagpusil patay kanhi Medellin mayor ug incumbent town councilor na si Ricardo “Ricky” Ramirez diha sa sud sa Bogo-Medellin Medical Center.

 Sigon ni Police Regional Office-7 Director Debold Sinas sa mga reporters sa press conference, nga dako ang posibilidad daghan ang nasuko kang Ramirez nga buot manimawos kay sukad sa iyang pagkadakop kadiyot lang kini napriso kay gidala kini dayon sa tambalanan tungod sa paghuot sa dughan.

Mahinumduman nga nadakpan pinasikad sa usa ka search warrant si Ramirez sa kapulisan Regional Special Operations Group niadtong July 2017. Miingon si BJMP Medellin Warden Gil Inopia Jr.  na aduna’y primary hypertension ug diabetes si Ramirez maong naisyuhan kini og court order na magpabilin sa hospital.

“If we check the background he was involved as a drug user, until he was arrested. Until nadakpan siya wala kasulod sa jail, he was in the hospital which he also owned which is self-serving. Daghan na disgruntle guru, so we are looking on that angle, we are looking sa nakabanggaan niya. Supposedly he is supposed to be in jail but wala man,” sigon pa ni Sinas.

Kinse ka armadong lalaking nag-bonnet ang misulod sa hospital og upat niini ang nipugos pagsulod sa iyang lawak ug gipusil ang konsehalniadtong Martes sa gabii.

Matud ni Sinas nakigalayon na sila sa Bureau of Jail Management and Penology (BJMP) tungod kay atol sa pagpatay kang Ramirez dunay jailguard nga nagbantay kaniya apan wala makapakgang sa mga mamumuno ug wala sab kini hilabti.  (/IBM)(BANAT NEWS)