Plastic Barter Store gibuksan na
CEBU, Philippines — Gibuksan kagahapon ang labing una nga barter store sa Siyudad sa Sugbo nga gilaumang makatabang sa pagmenus sa mga plastik nga basura.
Ang Justice, Peace and Integrity of Creation - Integrated Development Center (JPIC-IDC) Inc. ug ang 12 Baskets Movement sa Rotary Foundation, Inc. nigama kagahapon og memorandum of agreement alang sa operasyon sa Plastic Barter Store.
Ang Plastic Barter Store nga nahimutang sa Balay Samaritano diha sa Mabini Street modawat og bisan unsang klase sa basura nga plastic sama sa junk food wrappers o shampoo sachets nga maoy i-barter sa nagkalainlaing items.
Ang mga project manager modawat usab og mga donasyon sama sa mga sinina, canned goods, duwaan o bisan unsa nga mga magamit nga butang.
Si Adrian Lee, chairman sa 12 Baskets Movement nagkanayon nga ang Plastic Barter Store usa ka linahi nga approach nga makatabang sa problema sa basura nga padayong giatubang sa siyudad.
Ang mga item nga pweding i-barter magdepende sa gibug-aton sa plastik nga madala sa magpailis niini.
Sa bugas, sinina o school supplies ang i-barter o silbing ipalit niini upat ka kilo nga plastic.
Samtang sa duwaan, Crayola o tsinelas duha ka kilo nga plastic ang barter niini. Matud ni Lee nga ang maong mga plastik dalhon diha sa Eco-Hollow blocks Manufacturing Site sa San Pio Village sa Barangay Dumlog, Dakbayan sa Talisay. (/BDB)(BANATNEWS)
- Latest
