Namugos makig-sex

CEBU, Philippines — Gipapriso sa usa ka ginang ang iyahang bana diha sa Pardo Police Station  sa Dakbayan sa Sugbo human gihulga siya niini dihang iyang gibalibaran nga makighilawas kaniya niadtong Biyernes sa gabii diha sa ilang balay sa Sitio San Vicente, Barangay Bulacao, Dakbayan sa Sugbo.

Giingong mihangyo ang bana, 46-anyos nga makighilawas sa iyang asawa, 42-anyos nga labandera.Apan nagdumili ang ginang tungod sa wala matinong rason nga gikasuko sa bana.

Matud pa  nga tungod sa kapungot sa suspek mikuha kini og kutsilyo ug gitionan niini ang asawa. Wala pa gyud matagbaw ang suspek gipangsunog niini ang mga sinina ug mga underwear sa     asawa.

Ang ginang daling midangop sa barangay hall ug nisumbong. Ang mga tanod daling miresponde ug gisikop ang bana ug gidala sa Pardo Police Station.

Mag-atubang og reklamo subay sa Violation of R.A 9262 kon Violence Against Women and Children ang maong bana gumikan sa iyang gihimo ngadto sa iyang asawa. (/IBM)(BANATNEWS)