Sanitary landfill problema sa mga bag-ong mayor
CEBU, Philippines – Mosugat nga suliran sa bag-ong molingkod nga mga mayor sa mga dakbayan ug kalungsuran ang paglabay sa ilang mga basura.
Kini tungod sa nagpabilin pa nga kamanduan sa Environmental Management Bureau-7 sa pagsirado sa sanitary landfill sa Barangay Polog, Lungsod sa Consolacion sukad niadtong Abril dihang may natabunan ug namatay nga garbage truck driver human nataboni sa nidahili nga mga basura.
Si EMB-7 Regional Director William Cuñado niingon nga wala pa gyud nakatuman ang mga tagdumala sa landfill sa gihimo niining rehabilitasyon aron malikayan ang susamang insidente.
Usa niini ang kakuwang pa sa ventilation hinungdan sa pagboto sa nadeposito nga methane gas sa dapit.
Pipila ka lokal nga kagamhanan ang naglabay sa ilang mga basura sa maong landfill. (/GMR)(BANAT NEWS)
- Latest
