Ginang nga nagkugos sa masuso miambak sa barko
CEBU, Philippines – Usa ka 34-anyos nga inahan ang kalit miambak dala iyang pito ka buwan nga masuso sa pagdunggo sa gisakyan nilang barko gikan sa Sugbo didto sa Dipolog City.
Dali nga na-rescue sa mga tripulante sa barko ug sa mga sakop sa Philippine Coast Guard ang 34 anyos nga si Juliet Austria ug ang iyang gikugos nga anak.
Matud pa nga alas 7:15 Biyernes sa buntag dihang kini miambak samtang nangandam sa pagdunggo ang ilang gisakyang barko
Si Austria nga taga Zamboanga, Sibugay giingong nabantayan nang daan sa mga tripulante sa barko nga nagsige og tan-aw sa may railings sayo pa nianang buntag samtang nagdagan pa ang barko.
Taud-taod niana nakalitan na lang sila dihang nikalit kini saka sa railings dala ang gikugos nga masuso dayon miambak ngadto sa dagat. Sigon pa sa station commander sa Coast Guard diri sa Sugbu nga si Commander Alvin Dagalea, dali ra na rescue ang duha tungod kay duol naman sila sa pantalan.
Ang duha gidala ngadto sa tambalanan ug giingong luwas na sa peligro. Sigon pa ni Dagalea, ilang pakigkitaan ni Commodore Ronnie Gavan, regional director sa Coast Guard ang mga shipping companies aron matuki ang mga pamaagi aron dili na kini mausab.
Hinuon si Dagalea miingon nga wala siya’y nakitang lapso sa habig sa maong barko. “Wala akong makita na lapses ng vessel, nasa pasahero iyan. Kasi most of the time the crew will inform o advise kung pwede na bumaba. I-inform lang natin ang shipping lines, para additional guideline na din,” si Dagalea miingon.
Gidayeg hinuon niya ang tripulante sa maong barko tungod sa kadali nilang na-rescue ang duha. (/IBM)(BANAT NEWS)
- Latest
