PRO-7 nagkinahanglan og 300 ka bag-ong polis

CEBU, Philippines — Kapin 300 ka bag-o nga pulis ang gikinahanglan karon sa kapulisan sa rehiyen siyete alang na pud sa sa bag-ong batch sa kapulisan.

Ang director sa Police Regional Office sa Central Visayas na si Police Brigadier General Debold Sinas mianunsyo na aduna pa sila’y bakanteng puwesto.

Aron dili makagasto og dako ang mga aplikante, si Sinas miingon nga mahimong adto nalang sa pinakaduol na police headquarters moduso sa ilang aplikasyon ang mga gustong mosulod pagka polis.

Ang maong mga police headquarters na ang mo-proseso sa ilang aplikasyon didto sa regional headquarters.

“If naa gusto mo-apply don’t hesitate to go to the nearest provincial headquarters dili na kinahanglan moanhi ka sa headquarters (PRO-7),” sigon pa ni Sinas.

Sumala pa ni Sinas, kinahanglan lang makapasar sa inisyal na requirements ang aplikante.

Ang requirements mao na ang gitas-on moabot sa 5’3 pataas sa lalaki, ug 5’2 sa babaye, nakapasar sa examination sa National Police Commission, gradwado sa upat ka tuig nga bisan unsang kurso, ilabi na kadtong gradwado sa Criminology.

 Kinahanglan pud naa’y dokumento na nagpamatuod na wala ni derogatory record. Human og submit sa inisyal na requirements i-process na dayon ang neurological examination, una pa masulod sa training.

Alang sa dugang impormasyon, giawhag ang mga aplikante sa pagsubay sa Facebook page sa PRO-7 ug pangitaon ang RSS (Recruitment & Selection Section), PRO-7. (/IBM)(BANATNEWS)