Higanteng sago giluto

CEBU, Philippines — Gilusad kagahapon ang Cebu Mangos Festival nga gipasiugdahan sa Megaworld diha sa Mactan Newtown sa Dakbayan sa Lapu-Lapu City diin gipakita ang gibansagang kinadak-ang sago sa kalibotan nga hinimo gamit ang manga.

Ang nagluto niini mao si Chef Richard Hao kinsa migamit og 300 kilos nga manga. Human sa pagkaluto, ang mango sago nga usa ka dessert motimbang og dul-an 200 ka kilos.

Matud pa nga ang maong mga manga diha ra gikuha gikan sa naglaray nga mga punoan sa manga nga gitanom sa dalan sa Mactan Newtown Boulevard. Ang maong dalan adunay dul-an 250 ka punoang mangga nga dungan sab namunga.

Ang maong kalihokan gitambungan nila ni Lapu-Lapu City Tourism Officer Hembler Mendoza, Chef Raki Urbina ug Megaworld Cebu Properties Inc. president Noli D. Hernandez.

Kabahin ang unveiling sa mango sago sa  “Cebu Mangos Festival” agi og paghatag og pagtagad sa usa sa mga sikat ug lamiang abot sa mga maguuma sa Sugbo nga maong ang manga. (/IBM)(BANATNEWS)