93-1, Ciudad tun-an sa bag-ong administrasyon

CEBU, Philippines — Tun-an og balik sa bag-ong mga lider sa Dakbayan ug Lalawigan sa Sugbo ang Provincial Ordinance No. 93-1 ug ang Ciudad project, nga usa ka commercial ug heritage center.

Kini human sa panagtigum nilang Governor-elect Gwendolyn Garcia ug Mayor-elect Edgar Labella kauban si Presidential Assistant for the Visayas Michael Lloyd Dino kagahapon.

Matud ni Garcia nga ang dakbayan ug lalawigan kinahanglan nga mag-umol og usa ka komitiba nga motan-aw sa mga napirmahan nga mga dokumento sa kasamtangang administrasyon.

Ang Provincial Ordinance No. 93-1 naghatag og higayon nga maangkon sa mga nagpuyo sa mga lote sa probinsiya pinaagi data-data. Ang kasamtangang administrasyon sa dakbayan ug lalawigan nagpinirmahay na og deed of donation ug acceptance alang sa pagbinayloay og yuta

Malaumon si Garcia nga tugtan sila sa katawhan sa paghisgut ug pagtan-aw sa maong transaksiyon.

Samtang namahayag si Garcia nga ang wala nahinayon nga Ciudad project daku unta og natabang sa ekonomiya sa dakbayan ug lalawigan kon natuman pa sa nilabay nga katuigan.

Ang maong proyekto unta ang labing unang commercial ug heritage center nga naglakip sa pagpalapad sa dalan sa luna sa lalawigan sa Barangay Apas, Siyudad sa Sugbo.

Wala tugoti ni Mayor Tomas Osmeña ang maong plano tungod kay matud pa makasamot kini sa paghuot sa dagan sa trapiko sa Banilad-Talamban area. Naglaum ang umaabot nga gobernador nga madayon na gyud ang maong proyekto. (/GMR)(BANATNEWS)