Konsehal Restauro naproblema sa iyang JO
CEBU, Philippines — Pagpasulod kung kinsa ang makatrabaho isip job order nga kawani sa Talisay City Hall ang nisugat nga suliran sa bag-ong napili nga opisyal sa siyudad.
Kini maoy gitug-an ni Konsehal Gail Restauro kinsa nasublian alang sa ikaduhang termino isip konsehal sa dakbayan.
Matud niya nga sila nga mga konsehal adunay gitagana nga 20 ka job order nga pwedeng pasudlon sa City Hall.
Apan ang nihangyo kaniya nga makatrabaho pwerte na nga daghana niining higayuna.
Siya nagkanayon nga dili gyud kalikayan nga adunay mahiubos o maglagot kaniya kay lagi dili dayun makahatag sa ilang gipangayo nga trabaho.
Si Restauro nitataw nga pabor ang mga opisyal nga adunay negosyo kay mahimo man nila kining pasudlon ang uban sa ilang kompanya ilabi na kun sakto ra ang kwalipikasyon sa usa ka tawo nga nangita og trabaho.
“This is a manifestation nga daghan pa gyud ang mga tawo nga walay mga trabaho. Usahay gani iwakli imong kamot kung molamano ka kay lagi wala siya makasud sa trabaho,” sigun pa ni Restauro. (/GMR)(BANATNEWS)
- Latest
