62-anyos nga adunay cancer naglaslas
CEBU, Philippines – Patay na nga nadiskubrehan sa iyang pamilya ang 62-anyos nga lalaki kinsa gituohang naghikog pinaagi sa paglaslas sa iyang pulso gamit ang blade alas 9:30 ang takna sa miaging Martes sa gabii.
Si Police Sergeant Cliston Monagar sa Presinto 4 sa Lapu-Lapu City Police Office miila sa biktima nga si Vicente Layon dela Torre, nagpuyo sa maong dapit.
Matud ni Monagar nga naghambin sa iyang sakit nga prostate cancer ang namatay ug gusto gyud unta kining moadto og doktor alang sa pagpatambal apan wala kini madala tungod sa kalisod sa ilang kahimtang mao nga nagpakamatay na lang kini sa iyang lawak.
Nagtuo ang pamilya sa biktima nga natulog lamang kini apan dihang gipukaw sa iyang asawa alang sa pagpanihapon, namatikdan nga nanrangka kini sa pultahan.
Dugang sa imbestigador nga bisan sa pagpanuktok sa iyang pamilya, wala gyud kini mangabli mao nga ila kining gilungkab ang kwarto.
Dihang naabli, nakita sa pamilya ang nagkadugo na ang mga bukton niini tungod sa mga samad nga maoy hinungdan sa kamatayon sa biktima. (/DILT)(BANAT NEWS)
- Latest
