Ang Magna Carta of the Poor balaod na
CEBU, Philippines – Hingpit na nga nahimong balaod ang “Magna Carta of the Poor” diin tinguha niini ang pagtubag sa kagutom ug pagsiguro sa access sa basic services aron sa pagpakunhod sa ka kabus.
Si Cebu South District Representative Raul del Mar maoy nangamahan sa House Bill 55 sa tuig 2004 ubos sa 13th Congress.
Nilanat ngadto sa 15 ka tuig ang lantugi aron mapasar ang maong HB ug nahimo kining Senate Bill 2121 ug napasar sa 17th Congress.
Gidayeg ni del Mar ang desisyon ni Presidente Rodrigo Duterte diin matud niini nga ang Magna Carta of the Poor maoy tubag sa mga pag-ampo sa milyones ka kabus nga Pilipino alang sa sustainable ug decisive frame work sa gobiyerno sa pagwagtang sa ka kabus.
Matud ni del Mar nga ang social justice sa demokrasya mao ang pag-atiman sa mga kabus, padayon ug sinsiro nga concern sa mga hinikawan, matinud-anon ug seryoso nga serbisyo alang sa kauswagan ug kaayohan sa ilang kinabuhi diin mao kini ang buot pasabot sa Magna Carta of the Poor. (/BDB)(BANAT NEWS)
- Latest
