Papal Nuncio mitambong sa NYD 2019
CEBU, Philippines — Italian Archbishop Gabriele Giordano Caccia, ang Apostolic Nuncio to the Philippines maoy nangulo sa dialogue with the bishops uban sa mga obispo sa Catholic Bishop's Conference of the Philippines diin lakip niini si Cebu Archbishop Jose Palma ug mga delegado sa National Youth Day 2019.
Kagahapon sa udto naabot si Caccia matud ni Palma dala ang tinguha nga makig-uban sa mga delegado sa NYD isip representante sa Santo Papa.
Sumala pa ni Palma nga ang papal nuncio anaa usab atol sa misa pagtak-op sa mga kalihukan sa NYD 2019 nga tambungan sa tanang volunteers ug mga foster parents.
Si Frankel Gerald Margallo, ang youth coordinator sa NYD miingon nga adunay giandam nga mga controversial questions ang mga pilgrims nga ipatubag sa mga obispo atol sa Night with the Bishops, diin hatagan kini og mga katin-awan.
Si Police Regional Office-7 director Brigadier General Debold Sinas, mitug-an nga nakahan-ay na ang tanan nilang mga security plan gikan sa pag-abot hangtud sa pagbiya sa papal nuncio ug sa mga delegado.
Miapelar si Sinas sa katawhan nga tabangan ug buligan sila alang sa pagpatuman sa kahapsay ug kalinaw sa NYD hangtud nga kini matapos karong adlawa. (/DILT)(BANATNEWS)
- Latest
