Cebu City Public Library nagsaulog sa 100 katuig

CEBU, Philippines — Giila kagahapon atol sa centennial anniversary night ang usa ka netizen kinsa maoy nisugyot sa kagamhanan sa Dakbayan sa Sugbo nga himuong 24/7 nga bukas ang Cebu City Public Library (CCPL) alang sa mga estudyante.

Usa ka tuig ang nakalabay si Mitch Roldan, kinsa estudyante pa sa engineering niadtong higayona nisugyot diha sa facebook page ni Mayor Tomas Osmeña himuong 24/7 nga bukas ang library aron ang mga estudyante makatuon kini ilabi na sa gabii imbes nga    adto magpundo sa fast food  restaurants.

“I was also once a student nga ginapahawa sa [fast food] kay nagtuon nya kausa ra ni-order. Its not me ra man sad guro na naka-experience og ing-ana. I just want a place for students to study jud”,matud ni Roldan.

Kagahapon mao ang centennial night sa library diin adunay gipahigayong awarding ceremony sa pag-ila sa mga indibidwal kinsa nakatabang sa pagpauswag sa library kinsa si Roldan usa kanila.

Sa maong hangyo ni Roldan, ang public library mao una dinhi sa nasud nga nagtanyag og 24/7 nga serbisyo ngadto sa publiko.

Ang National Library of the Philippine ni-acknowledge sa city public library tungod sa outstanding performance niini.

Sa pagkakaron ang city public library nihatag kini og serbisyo ngadto sa 160,000 ka indibidwal matag tuig.

Samtang si Rosario Chua, chief librarian nagkanayon nga bisan og nibarog na ang library sulod sa 100 ka tuig nagtuo siya nga magpabilin gihapon kini sa mga mosunod nga katuigan.

Lakip sa gihatagan og pasidungog sila si Kongresista Raul del Mar, Jesusa Pacaña, Cirila de los Reyes ug Lorna Eguia.

Ang mga kanhi lider gi-acknowledge usab nga gilangkuban nila ni Flavia Muaña, Hannah Velez Cannen, Don Sergio Osmeña, Sr., Sotero Cabahug, Jose  Nolasco ug Los Tocayos de Rizal.

Ang mga institution nga gi-recognized gilangkuban sa Cebu Provincial Government, Rotary Club of Cebu, Zonta Club of Cebu II, Friends of the Cebu City Library, University of San Carlos American Spaces, Basadours, Beyond Books, Childlink Learning Center and Childlink High School, Inc., Chinese Consulate General sa Cebu City, Philippines, KGS Cebu and Philippines, Mandaue Foam, Uratex ug N-Vision.

Ang CCPL gisugdan kini niadtong Abril 13, 1919 isip Cebu branch sa National Library of the Philippines. (Gikan sa The Freeman/BDB)