Honoraria sa mga tanod wa mahatag

CEBU, Philippines — Moabot sa 31 ka barangay sa Siyudad sa Sugbo ang napakyas pagduso sa ilang minutes sa Barangay Anti-Drug Abuse Council (BADAC) alang sa buwan sa Enero.

Mao kini ang hinungdan nga ang ilang mga tanod wala pa makadawat sa ilang monthly honorarium gikan sa Cebu City Government nga nagkantidad og P4,000.

Ang Vice-Chair sa City Anti- Drug Abuse Council Garry Lao kinsa mao sab ang pangulo sa Cebu City Office for Substance Abuse Prevention (COSAP) miingon ang pag-submit og minutes sa BADAC meetings nalakip sa rekisitos nga gipagawas sa iyang buhatan alang sa releasing sa honoraria.

“The 30 wala pa ka-submit, kay gi-part man nako sa attachment sa accomplishment report sa mga tanods ang BADAC minutes. Because how do I know sa ilahang accomplishments report sa tanod kay ang chief tanod is also a member of BADAC,” ni Lao pa.

Nasayran nga miabot sa 49 ka mga barangay sa siyudad ang nakaduso sa ilang BADAC minutes.

Gipahinumduman ni Lao ang mga tanod nga motuman sa tanang gikinahanglan nga mga rekisitos aron di maaberya ang ilang monthly honorarium. (Decemay P. Padilla/IBM)

Mga ranggo sa polis gibalik sa karaan

Sugod kagahapon epektibo nang gipatuman sa kapolisan ang bag-ong klasipikasyon sa mga ranggo sa mga polis nga may pagka-parehas sa mga ranggo militar.

Si Police Lieutenant Colonel Eloveo Marquez, tigpamaba sa Cebu Provincial Police Office (CPPO) nagkanayon nga dili na kini bag-o kanila apan bag-o sa mga millennials.

Sa karaan, ang ranggo ni Marquez police superintendent apan karon Lieutenant Colonel.

Ang kausaban gipirmahan ni Presidente Rodrigo Duterte niadtong Pebrero  8, 2019 nga mao ang Republic Act (RA) 11200 o An act providing for the rank classification in the PNP, amending for the purpose, Section 28 of Republic Act 6975, as amended, otherwise known as the Department of the Interior and Local Government Act of 1990.

Ang rank classifications from old to present mao ni: Police Director General- Police General; Police Deputy Director General - Police Lieutenant General; Police Director- Police Major General; Police Chief Superintendent - Police Brigadier General; Police Senior Superintendent - Police Colonel; Police Superintendent - Police Lieutenant Colonel; Police Chief Inspector - Police Major; Police Senior Inspector -Police Captain; Police Inspector - Police Lieutenant.

Samtang sa mga dili opisyal mao ni:  Senior Police Officer IV (SPO4) - Police Executive Master Sergeant; Senior Police Officer III (SPO3) - Police Chief Master Sergeant; Senior Police Officer II (SPO2) - Police Senior Master Sergeant; Senior Police Officer I (SPO1) - Police Master Sergeant; Police Officer III (PO3) - Police Staff Sergeant; Police Officer II (PO2) - Police Corporal;  ug ang Police Officer 1 (PO1) - Patrolman/Patrolwoman.

Apan siya miklaro bisan nga susama sa military ang ilang classification, nagpabilin gihapon ang ilang pagka-sibilyan nga otoridad. (/IBM)(BANATNEWS)