Babaye angol human pusila sa duha ka lalaki
CEBU, Philippines — Gipusil sa duha ka mga lalaki ang usa ka babaye sa ilang panimay sa Sitio Mananga 1, Barangay Tabunok, Siyudad sa Talisay niadtong Lunes sa alas 8:30 sa gabii.
Ang biktima mao si Emilia Goncer, 29-anyos, minyo ug nagpuyo sa maong lugar. Samtang ang mga suspetsado nailhan lang sa pangan nga sila si Joshua ug Daot.
Sa inisyal nga imbistigasyon sa kapulisan nasuta nga anaa sa sulod sa ilang pinuy-anan ang biktima dihang naabot ang duha ka mga lalaki.
Nanuktok kini sa ilang panimay ug giablihan. Wala kini daghang istorya ug gipusil nila ang biktima gamit ang wala matino nga armas ug naigo sa kilid sa iyang lawas ang babaye.
Misibat ang duha samtang gidali sa pagdala sa tambalanan ang biktima.
Gisubay karon sa kapolisan ang background ni Goncer kay basin og na alaan lang kini. Samtang padayon pa ang pagpangita sa duha ka suspek. (BANAT NEWS)
- Latest
