Pag-legalize sa habal habal padayong gitun-an
CEBU, Philippines – Giaprubahan na sa komitiba sa transportasyon sa House of Representative ang usa ka substitute bill nga nagconsolidate sa tanang bills nga mo-regulate sa operasyon sa habalhabal sa nasud niadtong adlawng Miyerkules.
Ang principal authors sa maong substitute bill mao silang Rep. Juliette Uy, Rep. Ramon Durano VI, Rep. Pedro Acharon, Jr., Rep. Rozzano Rufino Biazon, Rep. Arthur Yap, ug Rep. Raul del Mar.
Bisan sa aprubal sa maong komitiba, sigon ni Del Mar nga gamay ra og tsansa nga maaprubahan ang maong bill ug masumiter sa Senado una mag eleksyon.
“Dili na gyud ni maabot sa Senado kay mag-adjourn naman sa February 6 which is supposedly the last day of session unya mobalik after elections na,” sigon niya.
Human sa aprubal niadtong Miyerkules, matud ni Del Mar nga isumiter pa kini sa committee on rules usa ug ipresentar sa body alang sa second ug final reading.
Dugang sa kongresista nga mangita siya og laing pamaagi nga i-allow ang pag-operate sa habalhabal sa nasud samtang wala pay balaud niini.
Samtang maghuwat sa aprubal sa bill, matud niya nga sundon niya ang request ngadto sa Department of Transportation nga mopagawas og order aron itugot ang operasyon sa habalhabal.
“They (DOTr) is studying it. That’s another alternative just in case dili ma-approve sa congress in time,” matud niya. Kahinumduman nga ang Supreme Court miisyu og temporary restraining order batok sa Angkas sa miaging buwan. (/DILT)(BANAT NEWS)
- Latest
