Feliciano nihimakak sa pasangil

CEBU, Philippines – Gihimakak ni mayoralty candidate sa Lungsod sa San Fernando Ruben Feliciano  ang pasangil nga giingong aduna siya’y kalabutan sa pagpamanhig sa managtiayon nga Mayor Lakambini “Neneth” Reluya ug bana niining si Ricardo Reluya, Jr, presidente sa Association of Barangay Captain  ug mga kaubanan niini.

Si Feliciano nipaabot  sa iyang pahasubo ngadto sa pamilyang Reluya ug sa mga biktima sa pagpamanhig.

Awhag ni Feliciano sa katawhan nga huwaton ang imbestigasyon sa kapolisan ug dili dayon siya hukman. Si Feliciano kinsa nipadayag nga andam siyang mo-coordinate sa higayon nga ipatawag siya sa kapolisan ang nihimakak usab kabahin sa post nga pagpanghulga diha sa social media.

Sa laing bahin, ang mga anak ug paryente ni Allan Bayot ang drayber ni Lakambini nanawagan og hustisya sa kamatayon sa ilang amahan.

Subay usab niini, bisan sa pagbangutan sa mga taga  matud ni Edsel Laguda, acting municipal treasurer nga padayon gihapon ang trabaho sa mga kawani ug ang one stop bisan pa man sa ilang pagbangutan sa nahitabo sa ilang mayor ug sa mga kaubanan niini.

Si Laguda nitug-an nga daan nang gipahibalo si Ricardo sa pipila ka mga staff nga adunay mga tawo nga kadudahan og mga lihok sa ilang lugar apan wala ra niini panumbalinga. (/BDB)(BANAT NEWS)