Patakaran sa Devotee City susihon

CEBU, Philippines — Nagplano karon ang kagamhanan sa Probinsiya sa Sugbo nga han-ayon ang himuon unya nga intervention ug pag-organisa sa Devotee City matag kapistahan ni Sr. Sto. Nino.

Matud ni Julius Regner ang tigpamaba sa Provincial Disaster Risk Reduction and Management Office nga sa ilang assessment, adunay pipila ka dapit nga kinahanglang tutokan sa Kapitolyo ug sa Dakbayan sa Sugbo kabahin sa Devotee City.

“Kanang dasok-dasok kon naay donation... ang problema sa sanitation, ang kabaho, walay nag-atiman,” matud pa ni Regner.

Dugang niya nga kinahanglan adunay coordination meeting tali sa Kapitolyo ug sa dakbayan kalabot niini.

“Ang sanitation, sa peace and order, ang molihok sila ba or kita... sa chek-in and registration, distribution sa foods kay diha nato nakita ang problema,” dugang ni Regner.

Gibutyag sab ni Regner nga pipila ka higayon nga adunay mga pribadong korporasyon nga magdala og donasyon ug  dili maapud-apod og tarong hinungdan nga sa sunod, ila kining susihon ug han-ayon. (BANAT NEWS)