E-trike driver gipusil patay

CEBU, Philippines — Gipusil-patay ang usa ka electronic tricycle driver sa wala mailhing mamumuno sa may dalan Magallanes, Brgy. Pahina Central, Dakbayan sa Sugbo, alas 7:35 niadtong Domingo sa gabii.

Ang nakalas naila nga si Jerrylito Lauza, 47-anyos, minyo, taga Sitio Pama, Brgy. Suba.

Sa inisyal nga imbestigasyon sa Carbon Police Station nasayran nga nagmaneho sa iyang e-tricycle ang biktima sa dihang kalit kining giduol sa wala mailhing mamumuno nga nagbitbit og wala matino nga armas ug mipusil sa walang tampihak sa biktima kausa ka higayon nga maoy naingnan sa hinanali niining kamatayon.

Padayon pang gihimo ang imbestigasyon kun unsay motibo sa pagpamusil ngadto sa biktima lakip ang pagsusi usab sa background niini.

Ang patay nga lawas sa biktima dali usab nga gidala sa usa sa mga punerarya sa dakbayan alang sa  ipahigayon nga Post Mortem Examination. (BANAT NEWS)