Pagkuha og cedula sa Cebu City pwede na sa online
CEBU, Philippines — Sayon nalang karon ang pagkuha og community tax certificate o cedula sa Siyudad sa Sugbo tungod kay aduna nay online application niini.
Matud ni Mayor Tomas Osmeña nga ang City Treasurer’s Office nag-showcase sa bag-ong innovation sa siyudad aron makadaginot sa ilang oras ang mga tawo.
Ang kliyente dili na kini malangan sa pagsuwat sa ilang impormasyon ug maghuwat diha sa city hall tungod kay pwede na silang mag-online ug mosulod sa website sa Cebu City ug adto nila ibutang ang ilang mga impormasyon o detalye.
Human niini, ang kliyente magdala sa ilang reference number ug ID diha sa treasurer’s office alang sa kadali nga interview sa pag-validate sa initial assessment sa kantidad nga ilang bayaran.
Gi-post ni Osmeña diha sa iyang official facebook page ang bag-ong proseso aron mahibalo ang katawhan sa bag-ong gitanyag sa siyudad.
Sa wala pa ang online nga pagkuha sa cedula daghang reklamo sa dugay nga proseso tungod sa taas nga linya.
Ang online nga pagproseso sa pagkuha og cedula dili na kini dugay sama kaniadto nga adto pa mag-input ang mga kliyente sa ilang detalye.
“Not only does this save you time from having to wait in city hall, it also gives you the opportunity to review and verify all your details from the comfort of your own home”, matud ni Osmeña.
Ang bag-ong proseso usa sa mga innovation sa siyudad nga gi-showcase didto sa search for the Digital Cities Philippines Awards for Best Practices in eGovernance. (/BDB)(BANATNEWS)
- Latest
