PNP ug AFP naghiusa batok sa insurgency
CEBU, Philippines — Nagpinirmahay na kagahapon ang Armed Forces of the Philippines (AFP) ug Philippine National Police (PNP) sa memorandum of agreement (MOA) alang sa ilang joint plan kalabot sa Memo Order 32 ni President Duterte sa PNP ug AFP.
Kini aron sa pagdugang og pwersa sa AFP ug PNP sa paghatag og seguridad hilabina sa ilang "primary target" sa Negros Oriental 1st district nga gilangkuban sa pito ka municipalities ug duha ka siyudad nga ubos sa Election Watchlist Area (EWAs) base sa ilang evaluation.
Ang direktor sa Police Regional Office (PRO)-7 Police Chief Superintendent Debold Sinas nagkanayon nga ang Bohol, Cebu Island ug Siquijor mahatagan gihapon og espesyal nga pagtagad sa AFP ug PNP.
Matud ni Sinas nga tumong usab sa "signing of joint plan" aron masulbad ang problema kabahin sa insurgency ug malikayan na usab ang mga misencounter tungod kay aduna nay koordinasyon ang matag habig sa PNP ug AFP.
Ang AFP ug PNP mogama og sistema alang sa tanang ground commander kong adunay mga dagko nga military ug police operation sa Negros Oriental.
Sa laing bahin, gihangop ni Major General Dinoh Dolina, AFP, commander 3ID, PA, sa ilang joint planning.
Matud ni Dolina nga dili nila masulbad ang problema sa insurgency kong sila ra ug dili lang kini kutob lang sa eleksiyon magpadayon na kini. (Nichole Alexis A. Abas /BDB)(BANATNEWS)
- Latest
