Fish port sa Tanke gilaraw nga himoong firecracker zone

CEBU, Philippines — Bureau of Fire sa Dakbayan sa Talisay aduna nay rekomendasyon nga iduso sa buhatan ni Mayor Eduardo Gullas alang sa himoon nila nga firecracker zone.

Gitug-an ni Fire Senior Inspector Arra Alfajaro, ang fire marshal sa siyudad nga base sa ilang pakisusi ug sa gihimo nga panagtigum, ila nang nasuta ang mga lugar sa dakbayan nga mahimong firecracker zone. Ilang irekomendar ngadto sa buhatan sa mayor nga himoong firecracker zone mao ang fish port sa Barangay Tanke.

Si Alfajaro, subling nag-awhag sa katawhan nga kanunay magmatngon aron malikayan ang posibleng kadaut sa mga kabtangan o kinabuhi nga dala sa pabuto niining nagsingabot nga panahon sa Pasko. (/DILT)(BANATNEWS)