14 naangol tungod sa Mangga
CEBU, Philippines — Katorse ka mga nagmotor ang nangalamba sa karsada ug nakaangkon og lainlaing gigrabehon sa pagkaangol tungod sa dangog nga karsada diha sa national highway sa Barangay Canduman sa Dakbayan sa Mandaue alas 6 pasado ang takna sa Domingo sa gabii.
Si Glenn Antigua, hepe sa Traffic Enforcement Agency of Mandaue (TEAM) miingon nga ang hinungdan sa kadangog sa maong karsada mao ang nayabo nga mango juice nga gikarga sa usa ka delivery tanker sayu-sayo nianang adlawa.
Dugang pa ni Antigua nga ang maong mga motorista nawad-an og kontrol sa ilang mga motor pagagi sa nabasa nga bahin sa karsada ug dunay uban nga nagrabehan pagkaangol tungod sa kapaspas sa ilang dagan.
Si Antigua miingon nga ilaha karong gitun-an ang posibleng pagpasaka og kasong reckless imprudence resulting to damage property and multiple injuries batok sa drayber sa tanker nga gipanag-iya sa usa ka trucking company kansang pangalan wala pa nila ibutyag. (BANAT NEWS)
- Latest
