Mandaue mangutang alang sa government center
CEBU, Philippines — Ang pagpangutang sa bangko alang sa katukuran sa government center ang labing maayo kompara sa ipaubos kini sa Public-Private Partnership (PPP) ang pagpatukod matud ni Bise Mayor Carlo Fortuna.
Ang maong government center nagkantidad kini og P900 milyones.
Matud ni Fortuna nga kong ipaubos sa PPP ang maong proyekto ang pribadong sektor maoy magbuot sa desinyo ug diin buot usab nila nga ibuwag kini sa city hall.
Sa PPP usab nagkinahanglan nga ang gobiyerno adunay itugbang nga bulto nga pundo alang sa budget sa tukuron nga proyekto.
Samtang kong mangutang sa bangko ang siyudad dili bulto ang pagbayad niini data-data lang ug kong ma-operational na ang proyekto ang kita niini maoy ibayad sa bangko.
Ang tanang mga buhatan sa gobiyerno anha na unya ipahiluna sa government center ug dunay parti niini nga commercial nga makitaan sa gobiyerno.
Ang kasamtangang city hall giplanohan kining himuong museum.
Ubos sa PPP ang pribadong sektor maoy mopaabang sa commercial area ug ang siyudad maghuwat kanos-a mahuman ang kontrata. (/BDB)(BANATNEWS)
- Latest
