Dili pabiyaan ang assignment area
CEBU, Philippines — Nipahimangno ang warden sa Cebu Provincial Detention and Rehabilitation Center (CPDRC) ngadto sa mga prison guard nga dili mohawa sa assignment area panahon sa ilang duty, aron dili mag-atubang og kasong administratiba.
Subay usab ang maong pahimangno sa pagpusil-patay sa usa sa mga prison guard nga si Jessie Castañares kinsa on-duty niadtong Sabado sa gabii hangtud alas siete sa buntag sa Domingo.
Ang warden sa CPDRC nga si Reynaldo Valmoria nagkanayon nga anaa sa polisiya sa prisohan nga gidid-an ang prison guard sa paghawa sa iyang pwesto hilabi na nga piniriso ang gibantayan niini.
“Dismissable na or suspension kay serious neglect of duty na, naa na sa among rules sa CPDRC,” matud ni Valmoria.
Apan matud sa warden nga aduna gyuy dili mosunod sama ni Castañares nga wala magpahibalo sa iyang mga kauban nga nagbantay usab sa Vicente Sotto Memorial Medical Center (VSMMC) niadtong higayona. (BANAT NEWS)
- Latest
