Alcover giabswelto sa kasong libel

CEBU, Philippines – Giabswelto sa korte ang kasong libel nga gipasaka ni kanhi Bureau of Customs district collector David Odilao, Jr. batok kang Konsehal Pastor Alcover, Jr.

Sa press conference kagahapon si Alcover nipasangil  nga si Odilao giingong napahawa sa ANAD Partylist human makadawat og report nga giingong personal interest lang ang tuyo niini ug dili sa interest sa kinatibuk-an.  Gihimakak ni Alcover ang pasangil batok kaniya nga nipagawas og pamahayag batok kang Odilao.

Si Alcover nipasangil nga si Odilao nigama og bag-ong ANAD group ug nipagawas og pamahayag nga siya  peke nga miyembro sa grupo.

Walo ka tuig na ang nakalabay nga si Alcover niasoy nga iyang gidawat si Odilao sa ANAD Partylist apan kini napahawa gumikan sa report nga giingong nangolekta og kwarta gamit ang ngalan sa grupo.

“Ang Council sa ANAD daghan usab og nadunggan so ultimately gi-expel namo siya sa party, pag-expel sa party nagtukod usab siya og iyang kaugalingong partylist ANAD gihapon, iyang gipalabas nga siya nga original nga ANAD niya ako kuno fake kuno ko nga ANAD”, ni Alcover pa.

Human sa maong kalambuan tun-an ug konsultahon ni Alcover ang iyang legal counsel kon mopasaka ba kini og kaso batok kang Odilao. (/BDB)(BANAT NEWS)