Namusil kay anak gipadakop sa asset

CEBU, Philippines — Natumbok na ang suspetsado sa pagpamusil sa upat ka mga nagduwa og mahjong didto sa Sitio Cambyohan, Barangay Casili, Lungsod sa Consolacion niadtong Sabado sa kaadlawon.

Ang hepe sa Consolacion Police Station nga si Chief Inspector Gerard Ace Pelare mihangyo sa Banat News nga itago ang pangalan sa suspetsado aron dili mapaso ang ilang gipahigayon nga manhunt operation. Nasayran nga ang nakalas mao si Fernando Noval Amor ,50, residente sa maong dapit.

Samtang nangaangol ang mga kaduwa niini nga silang Gibson Cadampog ,35; Ador Ermac Bentulan,36; ug si Martin Labrador ,49; puros mga residente sa maong dapit.

Gibutyag ni Pelare nga police asset nila ang usa sa mga biktima ug usa ka drug personality ang namusil sa mga biktima ug nadakpan na kini kaniadtong tuig 2016 sa kaso gihapon sa drugas apan nakagawas. Matud pa nga karong tuiga nadakpan usab sa buy bust operation ang anak niini ug gipasanginlan niya nga ang maong asset ang nagsumbong sa mga polis maong nadakpan ang anak niini. (BANAT NEWS)