Mga deboto sa Birhen sa Regla maghugop

CEBU, Philippines — Gilauman nga kapin sa 50 ka sakyanan sa kadagatan nga naglakip sa motor banca, pump boat , sakayana  ug uban pa nga sakyanan sa kadagatan ang mosalmot sa fluvial procession sa Imahen sa Birhen sa Regla nga patrona sa Dakbayan sa Lapu-Lapu. Gikatakda kining ipahigayon sa Nobyimbre 12 niining tuiga ug sa maong adlaw ang pagsugod usab sa matag gabii nga novena alang sa kapistahan sa Nobyimbre 20 ug 21.

Gilauman nga ang mga deboto sa Birhen sa  Regla maghugop kini.

Ang mga tag-iya og mga sakyanan sa dagat nga mokuyog fluvial procession giawhag nga magparehistro ngadto sa buhatan sa Philippine Coast Guard.

Sa dili pa ang fluvial procession sa gabii sa bispiras sa maong kalihokan ang Imahen sa Birhen sa Regla anha ipahiluna sa Marigondon Church nga pagabilaran usab sa mga deboto niini.

Human sa Santos nga Misa sayo sa buntag sa Nobyimbre 12  adunay ipahigayon nga motorkada paingon ngadto sa baybayon sa Suba  Basbas, Dakbayan sa Lapu-Lapu sanglit sa maong dapit man usab manukad ang fluvial procession.

Sa alas 7:00 sa buntag ang Imahaen sa Birhen sa Regla isakay kini sa galleon alang sa fluvial procession diha sa kadagatan sa siyudad.

Modunggo ang galleon sa Mulle Osmeña Wharf  nga nahimutang sa luyo nga bahin sa  National Shrine sa Birhen sa Regla ug sugaton kini sa mga opisyal saa kagamhanan sa dakbayan nga pangulohan ni Mayor Paz Radaza. (BANAT NEWS)