P215M gipangyong budget sa PDRRMO

CEBU, Philippines — Nisaka ngadto sa 8.89 porsyento ang gipangayo nga pundo sa Provincial Disaster Risk Reduction and Management Office (PDRRMO) alang sa tuig 2019.

Ang PDRRMO nangayo kini og P215 milyones nga pundo alang sa sunod tuig diin nisaka kini og 8.89% o P17.5 million itandi sa budget karong tuiga nga P197.6 milyones.

Si Danilo Rodas, provincial budget officer nagkanayon sa kinatibuk-an nga gipangayo nga pundo, P197 milyones niini alang sa disaster fund samtang sobra sa P17 milyones ang operasyon sa buhatan o administrative function.

“Ang balance ana, out of P215 million, P197million ana katong disaster fund, ang rest kanang sweldo , kanang pang-gasoline sa mga sakyanan, office supplies, kuryente sa ilang opisina”, pasabot ni Rodas. Sa  P197 milyones, 30 porsyento niini gigahin alang sa quick response fund o pundo nga gastohon kong adunay bagyo ug kinahanglanan og emergency release sa kwarta o adunay deklarasyon sa state of calamity, samtang ang 70% sa 197 nga disaster fund mao ang sa disaster preparedness ug mitigation. (BANAT NEWS)