Way napositibo sa lima ka lungsod
CEBU, Philippines – Dili mominus 1,360 ka mga empleyado sa gobiyerno ang nag-negatibo sa drug test sa Cebu Provincial Anti-drug Abuse Office (CPADAO) sukad niadtong Septiyembre 17 hangtod Septiyembre 28.
Sa laing hugna sa random drug test, una nga gi-screen ang 198 ka mga empleyado sa munisipyo sa Poro isla sa Camotes niadtong Septiyembre 17, gisundan sa 142 ka mga empleyado sa lungsod sa Catmon kon diin niapil pa ang mayor ug bise mayor niadtong Septiyembre 19. Laing drug test gihimo sa 146 ka mga empleyado sa lungsod sa Alegria niadtong Septiyembre 20; 256 ka teaching ug non-teaching staff sa maong lungsod ang gisunod og screen .
Sa Borbon, 472 usab ka empleyado ang gi-screen niadtong Septiyembre 24 ug 146 usab ka empleyado sa lungsod sa Boljoon niadtong Septiyembre 28.
Matud ni Ivy Durano- Meca ang pangulo sa CPADAO nga negatibo tanan ang resulta sa mga gipaubos sa kalit nga drug test kon diin apil pa ang mga mayor, bise mayor ug mga konsehal sa pipila ka mga lungsod.
Si Comelec election officer Atty. Ferdinand Gujilde nagkanayon nga dili rekisito sa kandidato ang resulta sa drug test atol sa ilang pag-file og certificate of candidacy.
“Unconstitutional siya, kay kanang drug test mura na og lifestyle qualification, let the people be the judge,” matud ni Gujilde. (/IBM)(BANAT NEWS)
- Latest
