Retrieval operation hunungon na
CEBU, Philippines — Girekomendar sa Provincial Disaster Risk Reduction and Management Office (PDRRMO) ngadto sa lokal nga kagamhanan sa Dakbayan sa Naga nga ihunong na ang retrieval operation sa nahitaboan sa landslide sa Barangay Tinaan.
Matud sa pangulo sa PDRRMO, Baltazar Tribunalo Jr., nga nadugta na ang lawas sa mga natabunan nga hangtud karon wala pa gihapon makuha ug dili na usab kini maayo alang sa mga responders.
Matud niya nga posibleng karong adlawa o sa petsa 4 ihunong na nila ang retrieval operation depende kung unsay desisyon ni Mayor Kristine Vanessa Chiong ug ubang awtoridad nga nitabang sa operasyon.
Sa pagkakaron, 77 na ang patay nga natala ug walo pa ang missing. Adunay 16 nga parte sa lawas nga wala pa gihapon mailhi nga posibleng iya sa mga missing.
Samtang gipahibawo ni Police Regional Office 7 director, Chief Supt. Debold Sinas, nga wala pa niluwat og opisyal nga mando si Mayor Chiong kabahin sa pagpaundang sa pagkabkab sa mga biktima nga nalubong.
Padayon gihapon ang pagbantay nila sa mga residente nga mosuway og pagpamalik sa lugar. (BANAT NEWS)
- Latest
