14 ka motorista nasikop sa checkpoint

CEBU, Philippines — Nasikop sa kapolisan sa Presinto 1 sa Mandaue City Police Office (MCPO)  ang 14 ka motorista  diha sa ilang checkpoint  alas- 10 ang takna sa miaging Sabado sa gabii hangtod sa alas -12 sa tungang gabii sa dalan A. Soriano sa Barangay Centro.

Si  Senior Police Officer  3  Renato  Canja nga maoy imbestigador sa Presinto 1 sa MCPO nga nahinabi sa Banat News miingon nga ang mga paketeng shabu ilang nadiskubrehan sa mga bag- o ba kaha sa mga bulsa sa mga dinakpan.

Giklaro hinuon ni Canja nga ang mga nakuhang ebidensya nga pinaketeng shabu gikan sa mga dinakpan nadiskubrehan sa dihang gipaablihan ilang mga bag ug gipabuliskad ang ilang mga bulsa.

Ang mga suspek gikatakdang pasakaan og kaso karong adlawa. (BANAT NEWS)