Bike Patrol kompleto na sa kahimanan
CEBU, Philippines – Nidonar og 30 ka helmet ug blinker ang Associated Labor Unions-Trade Union Congress of the Philippines (ALU-TUCP) ngadto sa Cebu City Police Office alang sa bike patrol niini.
“To help them nga makita sad ang visibility sa mga polis, so ni-provide ta og helmet ug kining mga blinkers sa mga bike. Makatabang ni kay ang visibility sa atong mga polis importante man kaayo nato karong mga panahona,” sigun sa bise presidente sa ALU-TUCP nga si Atty. Analyn Diego.
Ang direktor sa CCPO nga si Senior Supt. Royina Garma mapasalamaton sa gitabang sa pribadong sektor ug nanghinaut nga mas daghan pang susama nga moabag nila.
“Thank you sa atong donor kay at least yung bicycles magagamit din sa gabi, mas visible na. The presence ng police must be visible and felt ng ating community because thru this meron silang sense or feeling of secured and kung makita sa criminal ma-prevent pud, magduhaduha na mo-commit pa ba og crime kay naa tay police sa kalsada,” matud ni Garma.
Ang CCPO na ang bahala sa pagmintinar sa maong mga gidonar nga butang.
Niadtong Agosto subling gibalik ni Garma ang bike patrol human sila gihatagan og bisikleta gikan sa Saturn Gaming Corporation.
Ang maong bike patrol giingong maka-roving sulod sa mga pribadong subdivision sa Dakbayan sa Sugbo.
Kagabii gisugdan na sa pag-apod-apod ang maong mga helmet ug blinkers ngadto sa pwersa sa bike patrol. (/GMR)(BANAT NEWS)
- Latest
