Pagpatay kang Blanco gikondenar sa PB

CEBU, Philippines – Kusganong gikondenar sa Provincial Board sa Sugbo ang “brutal” nga pagpatay kang Ronda Mayor Mariano Blanco III kinsa gipusil patay sulod sa iyang opisina niadtong Septiyembre 5.

Ang PB pinaagi sa usa ka  resolusyon nipadayag sa kasubo sa nadangatan sa mayor nga nahimong public servant sulod na sa duha ka dekada.

“This august body condemns all forms of brazen disregard of human rights and ruthless killings that prompt fear among Sugboanon and threaten the ideals and principles of an orderly, peaceful and democratic society,” pagbasa sa resolusyon nga gipangamahanan ni Bokal Christopher Baricuatro ug Bokal Jerome Christian Librando sa ikapitong distrito sa Lalawigan sa Sugbo. Nipadayag usab og simpatiya ang PB sa pamilya ni Blanco.

“He was a dignified man, loving father, a good provider, sincere and dedicated public servant of his time,” paghulagway sa mga bokal sa namatay nga mayor.

Sumala sa PB nga ang pagkawala ni Blanco dili lang kawad-on sa pamilya niini apil na sab sa mga konstituwente niini sa lungsod.

“This august body deems it fitting and proper to give him due recognition and convey sympathy to the family during their hour of bereavement,” matud sa PB. (/GMR)(BANAT NEWS)