Mga kahoy sa may I.T. Park putlon

CEBU, Philippines — Nitugot ang Provincial Board sa pagpamutol sa dili mominus unom ka kahoy sa I.T. Park sa Apas, Dakbayan sa Sugbo alang sa giplano nga pag-abli og dalan.

“In the course of its development/construction, there will be moderate adverse impacts to environmental resources such as generation of dusts, noise and other disturbances to surrounding offices/establishments and residences, including the removal of a number of trees,” pagbasa sa resolusyon nga gipangamhanan ni Bokal Thadeo Jovito Ouano.

Upat ka Mahogany ug duha ka Indian nga kahoy ang gipaabot nga putlon sanglit mao kini ang maapektuhan sa himoong dalan lapos sa Governor M. Cuenco Avenue.

Ang pagbukas sa dalan gitinguha sa Cebu Property Ventures and Development Corporation (CPVDC) ug giendurso sa Provincial General Services Office (PGSO) ngadto sa PB.

Matud ni Jone Siegfred Sepe, pangulo sa PGSO, nga nitugot na ang Barangay Apas alang sa maong development lakip na usab ang Department of Public Works and Highways sanglit ang mga kahoy nga maigo anaa man daplin sa national road.

Napahigayon na usab ang public hearing kalabot niini ug karon adto na usab sila mangayo og sertipikasyon nga mamahimong makapamutol og kahoy gikan sa City Environment and Natural Resources Office (CENRO) sa Dakbayan sa Sugbo. (BANAT NEWS)