John o di manaug sa pwesto
CEBU, Philippines — Dili manaug sa pwesto si Toledo City Mayor John Henry Osmeña bisan gisuspenso siya sa Department of the Interior and Local Government (DILG) niadtong Huwebes.
Sigun sa mayor nga walay gahum ang DILG nga mopapahawa kaniya sa pwesto tungod kay gibali na sa Court of Appeals (CA) ang desisyon sa Ombudsman nga isuspenso siyag og 12 ka buwan diin may upat pa ka buwan nga tiwasonon si Osmeña.
Matud ni DILG Provincial Director Jerome Gonzales nga moepekto na dayon ang mando sa suspensiyon sa higayon nga gi-served niya kini sa mayor.
Kini nagpasabot nga sukad niadtong Biyernes si Bise Mayor Antonio Yapha na ang acting mayor sa siyudad.
“DILG order cannot overrule Court of Appeals. We will file contempt of court vs DILG on Monday,” matud ni Osmeña.
Samtang si Yapha motrabaho isip mayor bisan pa man dili mohawa si Osmeña tungod kay kini ang mando sa DILG.
“Iya ng decision if dili siya mohawa. Wala tay mahimo ana. Bahala na lang siya kung unsay iyang buhaton. On my part, I have to follow the order of DILG for me to assume as the acting mayor for now,” matud ni Yapha. (BANAT NEWS)
- Latest
