Mga ordinansa sa siyudad sa Sugbo gihan-ay
CEBU, Philippines – Ang direktor sa Cebu City Police Office Royina Garma nakigtinabangay kang Cebu City Councilor Dave Tumulak, deputy mayor on police matter sa paghan-ay sa pagpatuman sa mga ordinansa sa siyudad.
Ang maong mga ordinansa gilangkuban sa Anti-Noise, Curfew, Anti-drunkeness, Internet Café Operations, Unlawful Acts of Dispatching, Videoke Machines Operations, ginadiling pagpamaligya og ilimnong makahubog ug sigarilyo ngadto sa mga menor ug batok sa mga magpakilimos sa kadalanan. Matud ni Garma nga hingusgan nila sa pag-implementar ang mga balaod ug nanghinaot kini nga ang kabarangayan mopatuman usab niini.
“We came up with a decision na magkakaroon ng review on the ordinances to the barangay captains who will be provided with the basic information about the ordinances, so they would know how to properly implement and enforce”, matud ni Garma.
Si Tumulak sa iyang bahin, nagkanayon nga hingusgan nila ang pagpatuman sa mga balaod nga magamit diha sa mga barangay sa siyudad alang sa pagmentenar sa kahusay ug kalinaw.
Matud ni Tumulak nga ang siyudad mosuporta sa pagpatuman sa balaod ug giawhag usab nila ang kabarangayan sa pagsuporta sa kapolisan.
Giawhag usab sa lokal nga kagamhanan ang publiko nga mosunod sa mga balaod alang sa kahapsay ug kalinaw. (/BDB)(BANAT NEWS)
- Latest
